Veggjalús - Líffræði, greining og stjórnun

Veggjalús – Líffræði, greining og stjórnun

    Námskeiðið Veggjalús – Líffræði, greining og stjórnun er fyrsta námskeið Streymi símenntunar og markar upphaf að faglegri fræðslu fyrir íslenska meindýraeyða. Námið miðar að því að efla þekkingu og færni þátttakenda í að greina, meðhöndla og fyrirbyggja útbreiðslu veggjalúsa með áherslu á samþætta meindýraeyðingu (IPM).

    Efnið byggir á nýjustu þekkingu og alþjóðlegum viðmiðum í faginu og sameinar fræðilega undirstöðu og hagnýta nálgun við raunverulegar aðstæður.

    Flokkur:

      Markmið námskeiðsins:

      Að veita fagfólki í meindýravörnum dýpri skilning á:

      • líffræði og hegðun veggjalúsa,

      • réttum greiningaraðferðum og vöktun,

      • val á meðferðaraðgerðum og efnalausum lausnum,

      • mikilvægi skjölunar, áhættumats og samskipta við viðskiptavini.

      Þátttakendur öðlast hagnýta færni til að framkvæma skoðanir, meta aðstæður og beita viðeigandi stjórnunaraðferðum í samræmi við fagleg og reglugerðarleg viðmið.

      Fyrir hverja:

      Fyrir meindýraeyða með notendaleyfi fyrir útrýmingarefnum frá Umhverfisstofnun.

      Lengd og form:

      • Lengd: 1 dagur (6–8 klst.)

      • Kennsluform: Fyrirlestur, mynddæmi, hópverkefni og umræðutímar.

      • Kennsla fer fram í kennslustofu eða á vettvangi.